專業人士
分享

在家抗疫，點樣保護靈魂之窗👀？🤔

Hebi

2022年02月08日

查看 300

A+

在家抗疫，好多時響屋企WFH要望住部電腦，但係又光線唔夠。少咗出街，無得比對眼望吓遠嘢、休息吓。仲要留意新聞，又成日攞住部電話碌，搞到對眼既攰且乾。我哋如果想好好保護自己對靈魂之窗，可以點樣做？🤔

而家好多時見到身邊嘅朋友睇電話嘅時候，佢地個mon啲字體都好大吓，當越來越步入人生Part 2嘅時候，就發現到原來老花可以這麼遠、那麼近。

我哋請教咗註冊中醫丘彩雲，佢建議我哋試吓飲用枸杞菊花決明子茶， 枸杞明目、菊花可改善眼乾問題、決明子可防止視力減弱，呢個組合仲可以減壓養神，最適合而家我哋要養生抗疫。

坊間有提供茶包選擇，方便飲用，只要用熱水一沖，就可以幫助我哋護眼，對於我哋成日要用電子產品嘅城市人嚟講，絕對係一大佳音。👍

重要提示：不過人人身體不同，效果因人而異，以上純屬建議，如果為咗安全起見或發覺到有啲乜嘢異樣，當然要向註冊醫師請教，唔可以隨便飲用。