The Intern (2015) – 學習無限期 !! 💪

有時年輕都未必贏曬，Robert De Niro 呢個非常intern嘅人生閱歷同經驗， 就帶畀Anne Hathaway一啲新嘅角度、思維去處理問題 。 佢哋兩個一般大纜都扯唔埋嘅兩代人， 逐漸變成一對交心嘅朋友，互相欣賞、學習對方嘅好處。

其實兩代人唔一定係有代溝 ，有時我哋只要欣賞下唔同年代有唔同優勝、可取嘅地方。以前我哋活喺互聯網未咁普及嘅年代，於是我哋就會多啲接觸人、着重多啲人與人之間嘅溝通，可能communication skills有機會好啲 。但係唔代表我哋可以固步自封，只係停留咗自己喺食鹽多過你食米嘅階段， 對而家新生代嘅世界不屑一顧。 我哋都要明白現今嘅世界發生緊咩事，同埋要知道現今世代佢哋接觸嘅世界又係啲乜嘢， 先可以narrow彼此間嘅鴻溝。