兩個只能活一個？🥺

梗係唔會啦！我知道好多時，如果位長者太快入住老人院嘅話，有機會快啲退化，因為佢可能會誤會咗自己已經被遺棄，而逐漸放棄自己。

我唔想你好似佢地咁諗，我會盡力幫你！

响你住院期間，我勞煩咗舅父幫手送阿公張電動床嚟你地屋企，睇吓你瞓呢張床係咪無咁易令你跌親。如果係嘅話，咁你咪可以一路留响屋企囉？係就好啦….. 之前你一開始有事嘅時候買落嘅便椅呀，浴板呀，終於可以大派用場！

佢好激動，不停响度喊，我好驚，佢乜事呀？係咪你又發生乜事？

原來，佢話自從你瞓咗响張電動床之後，因為你自己落唔到床，所以就成日嗌住佢，幫你做呢做路。

最初，當然無問題啦！久而久之，問題就自然會發生，尤其是你地嘅感情唔係特別好。

佢話在係咁落去，佢程願自己搬出去住！

我知道，响呢一刻，阿媽咁激動，你同佢講乜都無用。我唯有安撫佢話盡量諗辦法，當然我知道呢個只係權宜之計，我根本就唔知道可以點做，咁點算呀？

唔好剩係講阿媽，我都就快被迫瘋了！而家攪到好似兩個都有問題咁喎？