6060
首頁 | 聯絡我們

會員登入 登入 | 登記成為會員

文章分類
全部 (2)
一般 (2)
最新文章
樟木頭老人渡假中心
2013年01月29日
維港灣長者會所
2012年07月13日
最新留言
<p> 除左它未知香港仲有無類似的老人專門的渡假村呢</p>
好似幾得意啵
可以去試下啊
維港灣長者會所
2012年07月13日

 今日,我去到一個叫做維港灣長者會所嘅地方。點解會揀咗呢個地方去睇睇,就係因為比呢個會所個名吸引住。通常坊間啲有關長者活動嘅地方都會叫長者日間護理中心、康樂中心、活動中心等等,好少會叫做會所。聽個名係咪會係一啲私人機構舉辦嘅 一啲針對較中產嘅長者會所比長者消遣呢?啲設施會唔會好豪華呢?今次去到探訪就係想了解一下長者嘅市場係咪有啲咩嘢驚喜嘅改變。

一去到,見到會所嘅環境,有别於一般長者中心比人嘅感覺。會所一入到去就好光猛、新淨,設計仲有啲潮味,好驚喜咁用啲比較新穎嘅顏色,好似青色、啡色,一啲都唔娘!比人有煥然一新嘅感覺。

入到去,撞啱有個健康講座散場,啲長者會員有啲就隨即坐低飲湯,有啲就自己去攞餅帶,一路响個大螢幕到播,一路跟住嚟做體操。真係估唔到一個長者活動嘅地方,可以令人有咁正面同舒適嘅感覺,真係值得一讚!

之後,同會所負責人黄姑娘交談,了解一下此會嘅由來。發現到呢個會並唔係由私人機構舉辦,而係由教會及政府資助。政府資助嘅最大好處莫過於可以以較低嘅成本去換取較大嘅空間用嚟成立會所。如果以會所有番咁上下嘅地方,唔係可以响政府名下嘅大樓運作,付出嘅租金肯定會係天文數字!

而會所呢個名嘅由來,係由於會所身處嘅位置係維港灣呢個中產屋苑,希望可以令多啲附近嘅居民接受,而唔係令到啲人抗拒入會。

會所以較平嘅會費同各式各樣嘅至抵活動收費,希望可以鼓勵多啲長者朋友參予,令佢地唔使响屋企柄埋,有多啲活動嘅選擇。長者一路以嚟最大嘅問題就係退休之後無乜寄託,仲要大多數朋友唔多,更加唔知可以做啲乜?以前啲長者日間中心,比人嘅感覺都係好似有問題先至去。又或者啲後生仔無時間照顧,就將啲老人家暫託,好似細路仔嘅托兒所咁。長者一般會覺得自己好似比人遺棄响度,所以通常都唔願意去。

而家,有咗呢類型嘅會所,長者比較容易接受同肯多啲出去保持正常社交,最緊要係可以令自己退休生活更加精彩!

經過今次嘅探訪,真係希望香港可以有多啲呢類型嘅會所,令到日益嚴重嘅各種老人問題得到舒緩,長者可以有一個安樂嘅退休生活同晚年!

我要回應 | 回應 (0) | 瀏覽 (1578) | 回頁首