6060
首頁 | 聯絡我們

會員登入 登入 | 登記成為會員

文章分類
全部 (41)
最新文章
長者購買 旅遊保險 諸多限制?最緊要識揀!
2016年11月25日
一家大細去旅行,用信用卡有咩好處?
2015年02月06日
希望耆智園發光發熱
2015年01月26日
不幸生病時,醫療開支有幾貴?
2014年11月27日
中秋前的團圓
2014年09月08日
最新留言
即係邊張有著數啲?
個平台好似有credit card 優惠比較tim
我地程願將錢買醫療保險定交税?
香港醫療福利有限
<p> 請問新年會否再有類似活動?</p>
一家大細去旅行,用信用卡有咩好處?
2015年02月06日

旅行就到新年同復活節呢兩個大假,又係一家大細去旅行既好機會喇!不過,雖然旅行好開心,但一家大細去旅行既洗費真係唔平架! 有無d 咩方法可以幫自己玩得開心之餘又可以慳得更多呢?今日小編就教下大家去旅行時用邊張信用卡好,賺盡積分同著數!

 

去旅行時好多人都會選擇唱定錢先,因為個匯率會低d, 同埋好似會方便少少咁,但小編自己就唔多鐘意咁做,因為去旅行要洗幾多錢好難預架嘛!唱多左又唔知點處理好。所以小編一向都只會臨出發唱定少少,其他就去到目的地先攞/ 用信用卡俾錢,貪方便嘛!

 

用信用卡係外地用有咩好處?

一般銀行target 飛行常客既信用卡係外地簽帳一向回贈率都會比較高,俾優惠你等你去旅行時可以簽多d。雖然係外地簽卡一般要俾手續費,但係如果大家有儲開飛行里數/現金回贈既話,就會發現有幾張卡既飛行里數回贈其實可以cover 到手續費之餘,又可以賺額外里數。經小編度過,其中一張最抵既信用卡就係匯豐信用卡。以去日本為例:

 

如果大家係星期五簽帳:

(1.19蚊1里 / 5.6%回贈) HSBC Visa Signature

(1.52蚊1里 / 4.4%回贈) *HSBC金卡/白金/Advance/Premier

 

如果大家係其他日子簽帳:

(1.85蚊1里 / 3.6%回贈) *HSBC Visa Signature

(2.78蚊1里 / 2.4%回贈)  *HSBC金卡/白金/Advance/Premier

 

一般外幣簽帳都要收2% 手續費,但如果大家既里數係平過3 蚊一里,其實已經係抵銷左手續費既開支了。上面講既優惠,係扣左手續費之後仲有得賺架呢!要得到呢個優惠,大家要打匯豐熱線申請最紅自主獎賞(按此),以得到平日6X 及星期五11X既獎賞錢。如果當大家一家大細4 個人成個trip 洗一萬既話,最保險都賺到2,200里了!依家去台灣國泰既來回機票係15,000里左右,2,200里已經差唔多有7分之一套機票喇!

 

就算大家無匯豐卡,都可以選擇用銀聯卡去簽帳。依家用銀聯卡係世界各地消費好多時都會可以豁免手續費,而且係世界各地好多商戶都有銀聯簽卡既折扣優惠,所以出國時有一張銀聯傍身都係一件唔錯既事。如果你同屋企人係去內地旅行既話,可以考慮渣打張銀聯雙幣卡,因為佢可以俾你直接選擇係你既人民幣/港幣戶口扣數,所以可以慳到好多匯價/手續費。

 

另外,去旅行都可以拎埋DBS 既black card,因為用呢張卡每次去機場時,憑卡及當日登機燈,可在禁區外的Page One免費換取雜誌一本($15或以下)

 

其實大家唔好睇少旅遊開支呀!一家四口去旅遊,單單係機票呀,酒店呀等等既開支已經可以講緊幾萬蚊咁多。只要大家努力d用多幾分鐘時間去睇下點賺回贈,得番黎既可能已經好多。如果大家想知多d 慳錢秘訣,記得黎我地MoneyHero 睇下喇!

 

 (本文章的資料、内容均由網站合作伙伴-Moneyhero 提供,本網站並不會為此文章資料的真確性負上任何責任。)

我要回應 | 回應 (0) | 瀏覽 (995) | 回頁首